Friday, May 8, 2020

இந்தியன் 2 வெளியாகும் - லைகா நிறுவனம் விளக்கம்

ஷங்கர் இயக்கத்தில் இந்தியன் 2 படம் 2017ல் அறிவிக்கப்பட்டது. கமல் ஹாசன் தொகுத்து வழங்கிவந்த பிக்பாஸ் நிகழ்ச்சியின் பைனலில் ஷங்கர் கலந்துகொண்டு இது பற்றிய அறிவிப்பை வெளியிட்டார். 

மிக நீண்ட தாமதத்திற்கு பிறகு சென்ற வருடம் துவங்கிய அந்த படம் பல்வேறு காரணங்களால் தடைபட்டது. கமலுக்கு மேக்கப் பொருந்தவில்லை என ஷூட்டிங் துவங்கிய சில நாட்களிலேயே நிறுத்தப்பட்டது படம். அதன் பிறகு மீண்டும் துவங்கி விறுவிறுப்பாக இந்தியாவில் பல இடங்களில் ஷூட்டிங் நடைபெற்றது. 

அதன் பிறகு தனது காலில் அறுவை சிகிச்சை மேற்கொண்டதால் ஓய்வு எடுப்பதற்காக ஷூட்டிங் நிறுத்தப்பட்டது. மீண்டும் துவங்கிய ஷூட்டிங் சென்னையில் உள்ள இவிபி ஸ்டூடியோவில் நடந்து வந்தது. 2020 பிப்ரவரி மாதம் 19ம் தேதி அங்கு இரவு ஷூட்டிங் நடந்து கொண்டு இருந்தபோது கிரேன் சரிந்த கீழே விழுந்ததில் மூன்று டெக்னீசியன்கள் சம்பவ இடத்திலேயே உயிரிழந்தனர். 

10க்கும் மேற்பட்டவர்கள் காயம் அடைந்த நிலையில் இந்த விபத்து பற்றி விசாரணை இன்னும் நடந்து கொண்டிருக்கிறது. இந்த விபத்து தொடர்பாக கமல் மற்றும் லைகா நிறுவனம் இடையே உரசல் ஏற்பட்டது. கடிதம் மூலமாக மாறி மாறி அவர்கள் குற்றம்சாட்டி கொண்டனர். 

இந்நிலையில் இந்தியன் 2 படம் கைவிடப்பட்டுவிட்டது என கடந்த சில தினங்களுக்கு முன்னர் செய்தி பரவியது. அது ரசிகர்களுக்கு அதிர்ச்சி ஏற்படுத்திய நிலையில் அந்த செய்தி உண்மையில்லை வதந்தி என லைகா நிறுவனம் விளக்கம் அளித்துள்ளது. 

தற்போது 60 சதவீத படப்பிடிப்பு முடிந்திருப்பதாகவும், கொரோனா லாக் டவுன் முடிந்தபிறகு ஷூட்டிங் மீண்டும் துவங்கும் என்றும் கூறியுள்ளனர். 

Post Navi 
Share This

0 Comments: