Sunday, May 31, 2020

Facebook நிறுவனத்திற்கு சொந்தமான WhatsApp-ற்கு போட்டியாக Google Messages RCS ஆப் அறிமுகம்!

கூகிள் நிறுவனம் வாட்ஸ்அப் பயன்பாட்டிற்குப் போட்டியாகப் புதிதாக Google Messages என்ற புதிய ஸ்மார்ட்போன் அப்பை அறிமுகம் செய்துள்ளது. விரைவில் நீங்கள் WhatsApp மற்றும் iMessage போன்ற பயன்பாடுகளுக்குப் பதிலாகக் கூகிள் நிறுவனத்தின் இந்த புதிய Google Messages App பயன்பாட்டை பயன்படுத்தத் தொடங்கலாம் என்று தெரிவிக்கப்பட்டுள்ளது.

கூகிள் நிறுவனத்தின் இந்த புதிய மெசேஜிங் பயன்பாட்டில், கூகிள் நிறுவனம், வாட்சஅப் பயன்பாட்டில் உள்ளது போன்ற சில அம்சங்களையும் வழங்கப் போகிறது என்று தகவல்கள் வெளியாகியுள்ளது. கூகிளின் இந்த புதிய முயற்சி நிச்சயம் வாட்ஸ்அப் பயன்பாட்டிற்கு மிகப்பெரிய சவாலாக மையும் என்று எதிர்பார்க்கப்படுகிறது. இந்த பயன்பாடு பல Android சாதனங்களில் முன்பே நிறுவப்பட்டுள்ளது. இந்த புதிய அம்சத்திற்கு கூகிள் RCS என்று பெயரிட்டுள்ளது.

RCS என்பது கூகிள் நிறுவனம் அறிமுகம் செய்துள்ள அதன் மிகப்பெரிய அம்சமாகும். RCS என்பது ரிச் கம்யூனிகேஷன் சர்வீஸ் (Rich Communication Services) ஆதரவை குறிக்கிறது. இந்த அம்சம் உங்களை வாட்ஸ்அப் போலவே மல்டிமீடியா மெசேஜ், எச்.டி புகைப்படங்கள், வீடியோக்கள், GIF-கள் மற்றும் தேவையான டாக்குமெண்ட் பைல்-களையும் நீங்கள் அனுப்பலாம். இந்த புதிய RCS அம்சம் தற்போது லிமிட்டட் ஆபரேட்டர்களை ஆதரிக்கிறது.

இந்த பயன்பாட்டிற்கான புதிய ஈமோஜி ரியாக்ஷன்களை கூகிள் சோதித்து வருகிறது. இந்த அம்சம் வந்த பிறகு, நீங்கள் மெசேஜ்ஜை நீண்ட நேரம் அழுத்தி, உங்கள் விருப்பத்திற்கு ஏற்ப ரியாக்ஷனை தேர்வு செய்யலாம். பேஸ்புக் மெஸ்சேன்ஜர் பயன்பாட்டில் உள்ளது போன்றே, பயனரின் மெசேஜை நீண்ட நேரம் அழுத்தி தம்ஸ் அப், தம்ஸ் டவுன், கோபம், சிரிப்பு போன்ற ஈமோஜிகள் வழங்கப்பட்டுள்ளது.

Post Navi 
Share This

0 Comments: